Ұлттық қауіпсіздік комитетінің төрағасы Кәрім Мәсімов Егемен Қазақстан газетінде «Отанға мінсіз қызмет ету – борышымыз» тақырыбымен мақала жариялады.

Бұл туралы Orda.kz хабарлайды.

Ұлттық қауіпсіздік органдары күніне орай басылым бетіне материал жариялаған төраға Тоқаев пен Назарбаев еңбектерін айтуды ұмыт қалдырмаған.

«ҰҚК алқасында Мемлекет басшысы Қасым-Жомарт Тоқаев бүгінде ҰҚК тиімді және заманауи арнаулы қызмет ретінде қалыптасқанына мамандар мен қалың жұртшылық күмән туғызбайтынын атап өтті. Бұл – Комитетті құрған және оны аяғына тұрғызған Елбасының тарихи еңбегі» деп түрте кеткен Мәсімов.

Мақала ішінде Мәсімов ҰҚК-ның халық пен президент сеніме ие екендігін атап айтқан.

«Мемлеке­тіміздің тәуелсіздігінің мерейтойлық жылына кіре отырып, Ұлттық қауіпсіздік комитеті ең күрделі міндеттерді шешуге қабілетті екенін атап айтқым келеді. Біз алдын ала әрекет етуге үйрендік, ҰҚК қызметінің элиталылығы мен беделі қалпына келтірілді және көптеген жас өз өмірлерін Отанымыздың қауіпсіздігін қамтамасыз ету ісіне арнауда. ҰҚК Қазақ­стан халқы мен президентінің лайық­ты сеніміне ие. Мұның өзі көп нәрсені міндеттейді» делінген мақалада.


Бөлісіңіз: