Күрестен әлем чемпионаты: Бақбергенова ел қоржынына алғашқы медаль салды

Қазақстан Ослода (Норвегия) өтіп жатқан күрес түрлерінен әлем чемпионатында алғашқы медальді жеңіп алды.

Бұл туралы Orda.kz Vesti.kz-ке сілтеме жасап хабарлайды.

Жәмила Бақбергенова әлем чемпионатының күміс жүлдегері атанды. 72 келіге дейінгі салмақ дәрежесінде өткен финалда қазақстандық балуан жапондық Масако Фуруитиден ұтылды.

Айта кетейік, Фуруити – 2019 жылғы әлем чемпионатының қола жүлдегері, 2018 жылғы Азия чемпионатының қоласын және 2017 жылғы әлем чемпионатының күмісін медалін жеңіп алған.