Күніне 10 темекінің зияны бар ауа жұтып жүрміз

Шынымен алматылықтар қандай ауамен тыныстап жүр? Алматылықтар күніне 10 темекінің зияны бар ауа жұтып жүр екен. Яғни, таза ауа деп жұтқанымыз күнінен 10 темекі шеккенмен тең лас болып тұр.

Shootismoke қосымшасы сізге темекі ысымен салыстырғанда ауаның тазалығын анықтауға көмектеседі.

Қосымша мәліметтері бойынша, алматылықтардың тыныс алған ауасынан келетін зиянды - әрбір қала тұрғыны күніне жарты қорап темекі шегетін болса, сонымен салыстыруға болады.

Әзірлеушілердің айтуынша, қосымшаны құру идеясы көптеген адамдар ауаның ластануын өлшейтін бірліктерді түсінбейтіндігінен, яғни салыстырмалы түрде түсіндіруден туындаған. Ауаның тазалығын ысталған темекінің санымен салыстыратын болсақ, әлдеқайда түсінікті екен.

Сондай-ақ қосымша таратқан мәліметке сүйенсек, Нұр-Сұлтандағы ауаның ластануы күніне әр тұрғын 3,8 темекі шеккенге теңестіріледі.