Кәмелетке толмаған қызды зорлады деген экс-депутатқа сот шешімі шықты

Сот кәмелетке толмаған қызды зорлау ісі бойынша мәслихаттың бұрынғы депутаты Аркадий Ниді ақтап алды.  

Диапазон мәліметіне сәйкес, Аркадий Ни шамамен бір жыл бұрын ұсталған. Айыптаушы тараптың айтуынша, ол кәмелеттік жасқа толмаған қызбен жыныстық қатынасқа түсіп, тіпті оны зорлаған және басқа да сексуалдық әрекеттер жасаған. Атышулы іс бүгін сотта тарқады. Аркадий Ни ақталды, сот қылмыстық оқиға болмағанын анықтады.

– Сот-медициналық сараптама сексуалдық қылмыстарға қатысты объективті деректерді анықтаған жоқ, деп хабарлады Қылмыстық істер жөніндегі арнайы сот.

Нәтижесінде депутат пен оған қатысы бар деп айыпталған әйел толығымен ақталды. Бірақ қыздың анасы қызын қылмысқа азғырып, жалған мәлімдеме жасағаны үшін 6 жылға бас бостандығынан айырылды. Жаза 5 жылдан кейін жүзеге асырылады, сот әйелдің кішкентай баласы бар екенін ескерді.