Көлік жуу бекетінде жұмысшы әйелді ұрған әкімші тергелуде

Павлодарлық полиция қызметкерлері автожуу бекетінің әкімшісін 50 жастағы жұмысшы әйелді ұрды деген күдікпен қамауға алды.

Полиция мәлімдегендей, зардап шеккен әйелден арыз осы жылдың 17 сәуірінде түскен. Павлодар қаласы тұрғынының айтуынша, ол жұмыстан шығатынын айтып, есеп айырысуды талап еткеннен кейін жұмыс орнында соққыға жығылды.

— Осы жылдың 16 сәуірінде Торговая көшесіндегі көлік жуу орнында оған дене жарақаты келтірілгені анықталды. Күдікті - автожуу әкімшісі - ұсталды. Сараптама тағайындалды. Тергеу жалғасуда, - деп хабарлады облыстық полиция департаментінің баспасөз қызметі.

Ведомствоның мәліметінше, сотқа дейінгі тергеу ҚР ҚК-нің 107-бабы «Денсаулыққа қасақана ауырлығы орташа зиян келтіру» бойынша жүргізілуде.

Баптың санкциялары бір мың айлық есептік көрсеткішке дейінгі мөлшерде айыппұл салуды, не алты жүз сағатқа дейінгі мерзімге қоғамдық жұмыстарға тартуды немесе екі жылға дейінгі мерзімге бас бостандығын шектеуді, не айыруды көздейді.