Көлік жүргізіп үйреніп жүрген қыз Ертіске құлап көз жұмды

Семейде жеңіл көлік Ертіс өзеніне құлап кетті. Ішіндегі ер адам шығып үлгерген, ал қыз көліктен шыға алмай, қайтыс болды.

Noks.kz сайтының хабарлауынша, төтенше жағдай 21 желтоқсанда Полковник аралында болған.

Оқиға туралы ақпарат әлеуметтік желілерде таралды. Ішінде екі адам болған Toyota көлігі Ертістегі жардан құлап кеткені хабарланды. Ер адам батып бара жатқан көліктен шығып үлгерген, қыз қайтыс болған.

Полиция департаменті оқиғаға қатысты түсініктеме берді.

«20 жастағы қала тұрғынының өліміне қатысты сотқа дейінгі тергеу басталды. Басқа мәліметтер жариялауға жатпайды» деді полиция.

Ал, Семей қаласының Төтенше жағдайлар басқармасында қыздың көлік жүргізіп үйреніп жүргені айтылды. Көлік өзеннен шығарылды.