Көлгінов: биыл қанша әлеуметтік тұрғын үй беріледі?

Елорда әкімі Алтай Көлгінов Instagram парақшасында әлеуметтік тұрғын үйлер санының артқаны туралы жазды.

— Биыл Мемлекет басшысының тапсырмасы бойынша әлеуметтік тұрғын үй санын арттырамыз. Мысалы, 2018 жылы 1800 әлеуметтік пәтер салынған болса, биыл бұл көрсеткішті 10 мыңға дейін жеткіземіз, соңғы 3 жылда әлеуметтік тұрғын үй саны 5 еседен аса артты, - деп жазды әкім.

Әкім «Жұмыс істейтін жастарға жалға берілетін тұрғын үй» бағдарламасы да жалғасын табады деп отыр.

— Елбасының бастамасымен қолға алынған «Жұмыс істейтін жастарға жалға берілетін тұрғын үй»  бағдарламасы биыл да жалғасаын табады. Бұдан бөлек, тұрғын үй сертификаты сомасын 1 млн теңгеден 1,5 млн теңгеге дейін ұлғайттық, Қазақстандық тұрғын үй компаниясының (ҚИК) бағдарламасы бойынша қатысушылар санатын ұлғайттық, - деп жазылған желі парақшасында.

Бұған дейін Нұр-Сұлтан қаласының әкімі Алтай Көлгінов елордадағы күрделі эпидемиологиялық жағдайға байланысты Instagram парақшасында қала тұрғындары мен қонақтарына үндеу жасады.

 — Вакциналау — өзіңіздің денсаулығыңызды, сондай-ақ жақындарыңыз бен айналаңыздағы адамдардың денсаулығын қорғаудың жалғыз жолы. Өзіңізді және жақындарыңызды қорғаңыз!, - деп жазды Нұр-Сұлтан қаласының әкімі.