«Көктемнің он жеті сәті» сериясындағы Кат рөлін сомдаған актриса қайтыс болды

Кеңестік «Көктемнің он жеті сәті» телехикаясындағы Кат есімді радиотелефоншы рөлімен танымал 74 жастағы актриса Екатерина Градова қайтыс болды.

Андрей Малахов әртістің қайтыс болғаны туралы өзінің Twitter парақшасында хабарлады. Ол өлім себебін айтпады.

1946 жылы 6 қазанда Мәскеуде дүниеге келген актриса, 1967 жылдан бастап кино әлеміне аяқ басқан. «Көктемнің он жеті сәті» танымал фильміндегі рөл оған ұлттық махаббат пен танымалдылық әкелді.

Ол әйгілі кеңестік актерлердің бірі Андрей Мироновқа тұрмысқа шыққан. Олардың қызы Мария Миронова - ресейлік кино мен театрының белгілі әртісі.