Көктайғақ салдарынан жарақат алғандар көбеюде

Қазақстанның  бірнеше өңірінде біраз  адам көктайғақтан зардап шегіп, ауруханаға түсті, деп хабарлайды ORDA.

Дәрігерлердің айтуынша, олардың көбі  жеңіл жарақаттар. Дегенмен көшеде тайып құлап, қол-аяғын сындырғандар да баршылық. Кейбірі тіпті операция жасатқан. Еліміздің біраз өңірінде  күн күрт жылынып, артынан жаңбыр жауды. Салдарынан еріген қар қатып, көшелер мен жүргінші жолдары көк мұзға айналды. Елдімекендерде көлік пен адам жүрісі қиындады. Тайып құлап, жарақат алған тұрғындардың саны күннен-күнге артуда. Күннің күрт құбылуына байланысты мамандар оралдықтарға, көшеге көп шықпауды ескертіп жатыр.

Батыс Қазақстан  облыстық көпбейінді ауруханасына кеше бір 4 сағат ішінде 35 науқас түскен. Оның  28-і көктайғақ кесірінен жарақат алғандар. Кейбір науқастар стационарға жатқызылған, кейбірі травматология және нейрохирургия бөлімшесіне орналасқан.

Павлодар қаласындағы №1 емхананың жарақаттар бөлімінің 85%-і қол-аяғы зақымданған  науқастар келген. Дерек бойынша бір тәулікте дәрігерлердің көмегіне 70-тен астам адам жүгінсе, оның 46-сы көшеде тайып жығылғандар.

«Қазгидромет» мамандары алдағы 3 күнде Атырау, Ақтөбе және Батыс Қазақстан облыстарына қалың тұман түсіп, көшелер көктайғақ болады болжап отыр. Осыған байланысты көлік қозғалысы қиындауы мүмкін. Түркістан, Қызылорда және Жамбыл облыстарындағы күн райы да бірнеше күн бойы қолайсыз. Мамандар бұл күндері тұрғындарға елді мекен сыртына шықпауға кеңес береді.