ҰҚК Кәрім Мәсімовтың ісі бойынша жаңа мәліметтер жариялады
Ұлттық қауіпсіздік комитеті Кәрім Мәсімовтың ісі бойынша жаңа мәліметтерді жариялады. Бұл туралы Ұлттық қауіпсіздік комитетінің баспасөз қызметі хабарлады.
Мәсімовке мемлекетке опасыздық жасады, билікті күштеп басып алуға әрекеттенді және қызметтік өкілеттігін асыра пайдаланды деген айып тағылды. Қылмыстық іс әлі тергеліп жатыр.
ҰҚК тергеу барысында Кәрім Мәсімовтің әрекетінде көптеген сыбайлас жемқорлық белгілері анықталғанын айтты.
«Отандық бизнес өкілдерінен және шетелдік құрылымдардан жылжымайтын мүлікті, қымбат сыйлықтарды, оның ішінде мәдени құндылықтарды, қомақты қаражатты заңсыз алу фактілері құжатталған. Атап айтқанда, Мәсімовтің пара алу фактісі бойынша тергеу жүргізілуде. Ол ҰҚК төрағасы ретінде шет мемлекет өкілдерінен 2 млн доллар пара алған. Жабық келісім-шарты бойынша Гонконгтан Қазақстан Ұлттық банкіне бұл қаражатты қайтару қамтамасыз етілді» делінген хабарламада.
Сондай-ақ Мәсімовтің премьер-министр болып тұрған кезінде бизнес құрылымдарының бірінен елордада құны 2,5 млрд теңгеге жуық элиталық қонақ үй мен жер телімін алғаны бойынша да тергеу басталды, деп толықтырды комитет.
«2022 жылдың қаңтарында Мәсімов ұсталғаннан кейін бұл қонақ үйден 17,2 млн доллар қолма-қол ақша тәркіленді. Сонымен қатар көптеген құнды заттар – сағаттар, алтын құймалар, антиквариат және т. б. тәркіленді. Нұр-Сұлтандағы екі люкс пәтері, Алматыдағы екі пәтері мен зәулім сарайы, сондай-ақ Шортанды-Бурабай курорттық аймағындағы көл жағасындағы 1 гектар жер учаскесі тәркіленді. Мәсімовтің жақын адамдарының 5,1 млн долларға бағаланған мүлкі тәркіленіп, олар да қамауға алынды» деп толықтырды баспасөз қызметі.
Мәсімов пен оның айналасындағылардың шетелдік банктердегі есепшоттарына заңсыз алып кеткен бұдан да ірі көлемдегі қаражатты іздеу, бұғаттау және Қазақстанға қайтару жұмыстары ұйымдастырылып жатқаны хабарланды.
Осы фактілердің барлығы бойынша белсенді тергеу және жедел-іздестіру шаралары жүргізілуде.
Еске салсақ, Ұлттық қауіпсіздік комитетінің бұрынғы төрағасы Кәрім Мәсімов Қылмыстық кодекстің 175-бабы 1-бөлігі бойынша «мемлекетке опасыздық жасады» деген күдікпен қаңтар айының басында ұсталған болатын.
Жаңалықтар
- Татарстанда қазақ тілі оқытылатын болады
- Қазақстан Энергетика министрлігі басшылығының мессенджерлеріне хакерлік шабуыл жасалды
- Депутат баспананы табиғи апаттан сақтандыруды міндеттеуді ұсынып отыр
- Boeing ұшақтары қауіпсіз бе: АҚШ-тың Әділет министрлігі тергеуді бастады
- Әділет министрлігі екі саяси партияны тіркеуден бас тартты
- ҰБТ-2024 Қазақстанның он төрт облысында басталды
- Әлия Назарбаеваның рейдерлік әрекеті халықаралық деңгейге шығады
- Назарбаевтың бұрынғы келініне қатысты іс: Сот қашан басталады?
- Қазақстанда мәдениетсіз әртістер айыппұлмен жазаланады
- Бишімбаев ертерек бостандыққа шыға ала ма?
- МАЭК-те 1,4 млрд сомаға мемлекеттік сатып алулар бойынша бұзушылықтар анықталды
- Өзбекстанда депутат өзбек тілін білмейтіндерге мемлекеттік қызмет көрсетпеуді ұсынды
- Астанада «НК Продкорпорация» басшылары сотталды
- Қостанайдан Алматыға ұшқан ұшақта жолаушы қаза тапты
- Путин Қытайға келді
- Джо Байден мен Дональд Трамптың дебаты 27 маусым мен 10 қырқүйеккке жоспарланды
- Словакия премьер-министріне оқ атылды
- Жаттығу кезінде жарылған гранаттан зақым алған полицей ауруханаға түсті
- Биылғы түлектер мектеп бітіру күнін қалай өткізеді
- Қостанай облысында полицейді өлтірді деген күдікті ұсталды