Көкөністердің бағасы қашан төмендейді?

Көкөністер бағасының тұрақтануы туралы сауда және интеграция министрі Бақыт Сұлтанов үкімет отырысында айтты.

Бұл туралы Orda.kz хабарлайды.

Министрдің сөзі бойынша, жыл басынан бері әлеуметтік маңызы бар тауарлардың бағасы 10,3%-ға өскенін атап өтті. Көкөністер, импортқа тәуелді өнімдер және жоғары экспорттық сұранысқа ие тауарлар бойынша ең жоғары өсім болды.

Бағаның максималды өсуі Түркістан облысында - 12%, Нұр-Сұлтанда - 11,6%, Қарағанды облысында - 11,4%-ға дейін тіркелді. Дегенмен, министрдің айтуынша, қазір бағалар тұрақтанды және төмендеді.

— Картоп бағасының маусымдық өсуі – сәуір мен маусым аралығында байқалды. Бұдан әрі қарай өнімділігін арттыру мақсатында оңтүстік өңірлердегі картоптың таралуының арқасында бағасы төмендеген болатын. Ең жоғары өсу сәтінен бағалар 26%-ға немесе 54 теңгеге төмендеді. Тамыз және қыркүйек айларында солтүстік аймақтарда жаппай егін жиналады. Бұл ішкі нарықты картоппен қанықтырып, бағаның одан әрі төмендеуіне ықпал етеді, - деді сауда министрі үкімет отырысында.

Сондай-ақ, 557 мың тоннадан астам сәбіз өнімін жинау жоспарлануда. Бұл бағаны айтарлықтай төмендетеді.

— Пияз мен қырыққабат бағасының өсуі әлі де байқалады. Жыл басынан бері пияз 29%-ға қымбаттады. Қырыққабат бағасы 22%-ға өсті. Бағаның төмендеуі тамыз айының соңында ғана күтіледі, - деп түйіндеді Сұлтанов.