Күйеуі хиджаб киген әйелін тексерген дәрігерді соққыға жықты

Нижневартовскіде ер адам мұсылман әйелін тексерген дерматовенерологты соққыға жықты. Оқиға 21 қыркүйекте бақылау камераларына түсіп қалған.

Бұл туралы Orda.kz Mash-қа сілтеме жасап хабарлады.

Дәрігер Владимир Жерноклеев әдеттегідей науқастарын қарап жатқан. Түстен кейін оған мұсылман келіншек келген. Дәрігер оны медициналық тексерістен өткізу керек еді. Бірақ ол келіншекке ұнамады, ол тексерісті әйел дәрігер өткізуін сұрады. Жерноклеев мұндай сұрақтармен басшылыққа жүгіну керектігін айтқан.

Бірақ науқас көп ойланып, ақырында келісімін берген. Дәрігер әйелдің ішінің бір бөлігін тексерген, артынша келіншек түк түсіндірместен кетіп қалған. Артынша дәрігерге әйелдің күйеуі кіреді. «Әйелдердің ішін ұстағанды ұнатасың ба?» деп, соққыға жықты.

Дәрігердің миы шайқалып, басы жабық жарақат алған. Ер адам ұсталды. Зардап шеккен дәрігер өзінің тәжирбесінде әйелдерді, оның ішінде мұсылман әйелдерді тексергенін, бірақ мұндай қиындықтар болмағанын айтты.