Күдікті Шымкент полициясынан қашып кетпек болды

Шымкентте алаяқтық және зорлау бабы бойынша күдікке ілінген азамат сот шешімінен жалтарып кетпекші болды. Ер адам полиция ғимаратындағы баспалдақтан секіріп кетуге ниеттенді, деп хабарлады қалалық ІІД баспасөз қызметі.

«18 желтоқсанда әл-Фараби ауданының полиция бөліміне ҚР Қылмыстық кодексінің 190-бабы (алаяқтық) бойынша айыпталған 1987 жылы туған азамат жеткізілді. Бұған дейін әл-Фараби аудандық сотының шешімімен оған қамауға алу түріндегі бұлтартпау шарасы қолданылып, іздеу жарияланған болатын. Сонымен қатар, оған қатысты ҚР Қылмыстық кодексінің 120-бабы (зорлау) бойынша тергеу амалдары жүргізілді. Күдікті осы іс бойынша жәбірленушімен бетпе-бет келіп, қылмыстық жауапкершіліктен жалтару мүмкін еместігін түсініп, қашуға әрекеттену кезінде баспалдақтың қоршауынан секіріп өтіп, қойманың төбесіне құлап кеткен» делінген хабарламада.

Тәртіп сақшылары медициналық қызметкерлердің тексеруі кезінде күдіктінің «дене жарақатын анықтаған жоқ» деп сендірді.

«Оның жағдайына ештеңе қауіп төндірмейді. Әл-Фараби облысы судьясының шешімі және дәрігерлердің қорытындысы негізінде ол Шымкент қалалық ІІБ уақытша ұстау изоляторына қамалды» деп толықтырды бөлімде.

Еске салсақ, Шымкентте тергеу кезінде ұрлық бабы бойынша күдікке ілінген ер адам мерт болған.