ҰҚК қамаудағы Мәсімовтың жағдайымен бөлісті

Мемлекетке опасыздық жасады, билікті басып алмақ болды деген күдікпен қамауға алынған ҚР Ұлттық қауіпсіздік комитетінің бұрынғы төрағасы Кәрім Мәсімов қамаудағы жағдайға, оның ішінде медициналық көмекке шағым түсірмеген.

Еске салсақ, бұған дейін желіде Мәсімовтің денсаулығы нашарлағанын, оны босату қажет деген ақпарат тараған.

«ҰҚК-нің тергеу изоляторының жағдайында К.Мәсімов Қазақстан Республикасы заңнамасының талаптарына сәйкес материалдық және медициналық қамтамасыз етілуде, ол қамауда ұстау уақытына қанағаттанбау туралы шағым түсірмеді. Соның ішінде медициналық қамтамасыз ету бойынша» деп хабарлады Ұлттық қауіпсіздік комитеті.