Кеңес Одағы кезінде барлық 15 одақтас елдерге танымал болған «Ласковый май» тобының солисі Юрий Шатунов қайтыс болды. Ол 48 жаста еді.
Бұл туралы ақпарат 360tv telegram-арнасының парақшасында пайда болды.
Бұқаралық ақпарат құралдарының хабарлауынша, ол инфарктан кейін жедел жәрдем көлігінде қайтыс болған.
Юрий Шатунов – кеңестік және ресейлік әнші. 1986-1991 жылдары «Ласковый май» тобының солисті болды. Оның жұлдызды хиттері «Белые розы» және «Седая ночь» әндері еді.
22 маусымда камерундық-ресейлік әнші Пьер Нарциссенің қайтыс болғаны белгілі болды. Ол 45 жасында дүниеден озды.
