Әйтенов: биыл Шымкентке 400 миллиард теңге инвестиция тартылады

Биыл Шымкентке 400 миллиард теңге инвестиция тартылады. Бұл туралы Орталық коммуникациялар қызметінде өткен брифингте Шымкент қаласының әкімі Мұрат Әйтенов мәлімдеді. Ол үшінші мегаполистің дамуы мен шымкенттіктердің өмір сүру сапасын жақсарту үшін жүргізіліп жатқан реформалар туралы айтып берді.

Бұл туралы Orda.kz хабарлайды.

– Шымкент республикалық мәртебеге ие болғаннан кейін үш жыл ішінде қалаға екі есе көп инвестиция тартылды, бұл 1,2 триллион теңгеден асады. Биыл біз 400 миллиард инвестициялық теңге күтеміз, бұл өткен жылмен салыстырғанда екі есе көп. Бұдан басқа, осы кезеңде қала бюджеті 3,6 есе - 131,2-ден 481,6 миллиард теңгеге дейін ұлғайды. Өнеркәсіп өнімінің көлемі 411 миллиард теңгені құрайды, жыл соңына қарай 710 миллиард теңге күтілуде, - дейді әкім.

Әйтенов қалада президент тапсырмасын орындау мақсатында жалпы сомасы 2,5 триллион теңге болатын 261 жобаның инвестициялық базасы құрылғанын айтты. Биыл 2500 жұмыс орнын құрумен 171,6 миллиард теңгеге 68 инвестициялық жобаны іске асыру жоспарланған.

Әкімнің айтуынша, биыл пайдалануға берілген тұрғын үй көлемін бір миллион шаршы метрге дейін жеткізу жоспарлануда. Әкімнің мәліметінше, Шымкентте жеке құрылыс салушылар есебінен 8639 пәтерлі 178 көп қабатты тұрғын үй, бюджет есебінен 5912 пәтерлі 97 көп қабатты тұрғын үй салынуда.