«Йо, Орыстар» әнінің орындаушысы бостандықта

«Йо, Орыстар» әнін орындаған алматылық Мария Кочнева 10 күндік қамаудан босап шықты.
 
Бұл туралы Кочнева Instagram парақшасында хабарлады.
 
Естеріңізге сала кетейік, алматылық келіншек қоғамдық орында рэп әнін орындау барысында, әдепсіз сөздер қолданып, ұсақ бұзақылық жасағаны үшін кінәлі деп танылды. Мария өз өнерін Украинадағы соғыспен байланыстырды. 

Сонымен қатар осы оқиғаға байланысты Кочнева өзін «Солтүстіктің қазағы» деп атайтын каналдың иесі Аслан Төлегенов пен блогер Антон Бударов қоқан-лоққы көрсетіп қорқытқаны үшін полицияға арыз жазғанын айтты.