Эротикалық видеосын жіберген: Бишімбаев тағылған айыпқа қатысты өз нұсқасын айтты

Сотта экс-министр өзінің әйелі өзге біреумен жыныстық қатынасқа түсіп жатқан видеосы келгенін айтты, деп хабарлайды Orda.kz порталы.

«Маған аноним нөмірден Telegram арнаға сілтеме келді: "Қараңыз, мұнда әйеліңізге ұқсайтын адамды көресіз». Бұл түнде болатын, мен жанталасып қарай бастадым, бір эротикалық видеоны көрдім. Қыз өте ұқсас. Беті көрінбейді, бірақ қатты ұқсайды (Салтанатқа – еск.). Әрине, мен (елемей – еск.) қоя алмадым. Не істер едім? Мен оны көрсеттім де: «Кешір, маған неге мұндайды жібереді» деген сұрақ қойдым», – деді Қуандық Бишімбаев.

Бишімбаевтың айтуы бойынша, ол оқиға үйленгендеріне небәрі 10 күн өткеннен кейін болған.

«Отбасылық өміріміз осылай басталды. Мен ол емес екенін айтқан уәждерін қабылдадым (видеодағы - еск.). Кейбір айырмашылықтар бар екені анық болды, бірақ дерек болды», - деп қосты Бишімбаев.