Энергетика министрлігі газ тапшылығы туралы ақпаратқа түсініктеме берді

Энергетика министрлігі Ақтаудағы жанармай құю бекеттерінде жанармай тапшылығы бар деген ақпаратқа қатысты пікір білдірді, деп хабарлайды Orda.kz.

Министрліктің мәліметінше, 2023 жылғы 9 желтоқсандағы жағдай бойынша сұйытылған мұнай газы Маңғыстау облысы бойынша 1828,7 тонна (тәулігіне 3,2 тонна жеткізу), оның ішінде: Ақтауда – 434 тонна, Жаңаөзенде – 476 тонна, Мұнайлыда – 322 тонна, Маңғыстауда – 172  тонна, Түпқарағанда – 160,1 тонна, Бейнеуде – 129,8 тонна, Қарақияда – 134,8 тонна қалған.

«Облыстағы жағдай тұрақты, Ақтау, Мұнайлы және Түпқараған аудандарындағы жанармай құю бекеттерінде бес-жеті вагоннан тұратын кезек бар, газды тасымалдау кестеге сай жүргізілуде» деп хабарлады мекеме.

Өңірде осы жанармай тапшылығын болдырмау мақсатында 1 желтоқсаннан бастап ҚазГБЗ зауытынан тәулігіне 570 тоннадан 620 тоннаға дейін жеткізілетін болады.

«Бүгінгі күні Ақтау қаласына 12 газ зауытына жоспарланған жөнелтілім 182 тонна болды. Кезектердің басым бөлігі 29а, 24 және «Шығыс» шағынауданында, қала сыртында кезек жоқ. Өңірдегі жанармай құю бекеттерінде газ 54-59 теңгеден сатылуда» деп жауап берді Энергетика министрлігі. 

Еске сала кетейік, әлеуметтік желіде көлік жүргізушілер Ақтаудағы кейбір жанар-жағармай құю бекеттерінде сұйытылған газ жоқ, жанармай бар жерде үлкен кезек пайда болды деп жаза бастаған. Көлік иелері жанармай құю қиындығының бір күн бұрын білінгенін  айтады.