Энергетика министрлігі бензин мен дизель отынына шекті баға белгіледі

Агенттік қосылған құн салығын ескере отырып, мұнай өнімдерін бөлшек саудада өткізуге 180 күнге арналған  шекті баға белгіледі.

Сонымен, бағаның келесі шектері белгіленді:

1) АИ-92 бензині – литрі 182 теңге;

2) АИ-93 бензині – литрі 182 теңге;

3) АИ-95 бензині – литріне 215 теңге;

4) дизельдік отын (жазғы, маусымаралық) – аймаққа байланысты литріне 230-260 теңге.

Министр шаруаларды арзан бағадағы жанар-жағармаймен қамтамасыз етуді, өзі айтқандай, «ерекше бақылауға» алатынына уәде берді.

— Бүгінде көктемгі егіс жұмыстарын уақтылы және тұрақты өткізу үшін ауыл шаруашылығы тауарын өндірушілерге мұнай өңдеу зауыттарында 212 мың теңге/тонна (176 теңге/литр) бағасымен 400 мың тонна дизель отыны бөлінді,- деді министр.