Энергетика министрі Атом электр станциясы қай жерде салынатынын айтты

Энергетика министрі Болат Ақшолақов Балқаш көлінің маңында атом электр станциясы салынуы әбден мүмкін екенін айтты.

Атом электр станциясының қуаты шамамен 2,4 ГВт болады.

«Менің ойымша, бұл әлі де Балқаш, өйткені бұл аймақ бұрыннан зерттелген, кеңестік жылдардан бері олар оны үнемі бақылап, сейсмологиялық тұрақтылық, геологиялық жағдай сияқты көрсеткіштерді бақылап келеді» деді министр.

Орналасқан жерді таңдау бойынша соңғы шешім әлі қабылданған жоқ. Тағы бір орын қарастырылуда, ол – Қазақстанның шығысындағы Курчатов қаласы.

Еске салсақ, ақпан айының басында Қасым-Жомарт Тоқаев Қазақстанға ядролық қуат «шынымен керек» екенін айтты. Президенттің айтуынша, АЭС салынбаса, ел экономикасы зардап шегеді, республика инвестициядан айрылып, аймақтық көшбасшылықты да жоғалтады.

Елде атом электр станциясының құрылысы 5 млрд долларға түсуі мүмкін, оның өзін өтеу мерзімі 20 жыл.