Әйелдерді бизнеске үйрететін «Кәсіпкер ана» бағдарламасы іске қосылды

Бағдарламаға қатысушылар 500 мың теңге көлеміндегі грант иегері бола алады.

Қазақстанда «Кәсіпкер ана» білім беру бағдарламасына қатысуға өтінімдер қабылдау басталды.

Көп балалы аналар, мүгедек балалар мен патронаттық аналар кәсіпкерлік негіздерін үйреніп, өз кәсібін ашып, 500 мың теңге көлемінде грант ұтып ала алады, деп хабарлады Қазақстан халқы Ассамблеясының сайты.

Оқу барысында әр әйел Ресей мен Қазақстанның тәжірибелі тренерлерінің басшылығымен өз мақсатын жүзеге асыру үшін жеке бизнес-жоспарын дайындайды. Бағдарлама барлық қатысушылардың жобаларын конкурстық таныстырумен аяқталады.

«Біздің білім беру бағдарламамыздың халықаралық деңгейге көтеріліп жатқанына өте қуаныштымыз. Мен Қазақстандағы бірінші пилоттық маусымның әлеуметтік бағытын ерекше атап өткім келеді: бағдарламаға көп балалы аналар, патронат балалар мен мүгедек аналар қатысады. Бұл санаттағы әйелдер үшін стандартты жұмыс күніне бейімделіп, жалдамалы жұмыс істеу қиын. Ал кәсіпкерлік оларға жақсы балама бола алады. Келесі маусымда бағдарлама кәмелетке толмаған балалардың аналары мен декреттік демалыстағы әйелдерге ашық болады», - деді «Болашаққа жауапты» қайырымдылық қорының президенті Анна Сошинская.

Карантиндік шараларға байланысты Қазақстанда пилоттық бағдарлама 1 наурыздан 15 наурызға дейін онлайн режимінде өтеді. Қатысуға өтінімдер 23 ақпанға дейін mama-predprinimatel.kz сайтында қабылданады.

Қазақстандағы бағдарламаның ұйымдастырушылары - «Болашаққа жауапты» қайырымдылық қоры, Қазақстан халқы Ассамблеясының кәсіпкерлер қауымдастығы, «Атамекен» Ұлттық кәсіпкерлер палатасы және Қазақстан кәсіпкерлерінің форумы.