Әйелдер мен балаларды қорғау бөлімшелерінің саны артты

Қазақстан ІІМ-де әйелдер мен балаларды зорлық-зомбылықтан қорғау бөлімшелерінің штаты нығайтылды. Бұл туралы Президенттің саяси мәселелер жөніндегі көмекшісі Ерлан Қарин Telegram-да жазды.

Оның айтуынша, әйелдерді зорлық-зомбылықтан қорғау жөніндегі бөлімшенің штат саны 129 орынға, ал кәмелетке толмағандардың істері және балаларды қорғау жөніндегі бөлімшенің саны екі есе - 448 орынға ұлғайды.

Айта кетсе, Қазақстан президенті Қасым-Жомарт Тоқаев 25 ақпанда ұлттық қоғамдық сенім кеңесінің отырысында республика ІІМ-ге әйелдер мен балаларды зорлық-зомбылықтан қорғау жөніндегі арнайы бөлімшелер штатын қалпына келтіруді тапсырған болатын.