Эквадор президенттігіне кандидатты атып кетті

Эквадор президенттігіне кандидат Фернандо Вильявисенсио сайлауалды митинг кезінде атып кетті

Жергілікті саясаткер Фернандо Вильявисенсиоға  9 тамыз күні кешке оның сайлауалды митингісінен кейін шабуыл жасалды.

Вильявисенсио командасы мүшесінің айтуынша, саясаткер көлікке отырған кезде белгісіз біреу оның басынан оқ атты, деп хабарлайды BBC News. 

Вильявисенсио ауыр халде ауруханаға жеткізілді, онда оның қаза тапқаны жарияланды. Атыс салдарынан тоғыз адам зардап шекті, оның ішінде екеуі полиция қызметкері. Эквадор бас прокуроры кісі өлтірді деген күдіктінің саясаткердің күзетшілерімен болған атыста оққа ұшқанын айтты.

BBC News хабарлағандай, Вильявисенсионың сайлауалды науқаны да жемқорлықпен күресуге бағытталған. Өткен аптада ол өзін және жақтастарын есірткі бизнесімен байланысты топ басшысы қорқытқанын айтқан.