Экстремистер, есірткі зертханалары және орынбасардың ауысуы: Тоқаев ҰҚК басшысын қабылдады

Президент Қасым-Жомарт Тоқаев Ұлттық қауіпсіздік комитетінің төрағасы Ермек Сағымбаевпен кездесті. Айта кетерлігі, мемлекет басшысы оның орынбасарларының бірін қызметінен босатқан болатын. Қанат Далматов қызметінен кетіп, оның орнына Марат Ирменов тағайындалды,  деп хабарлайды Orda.kz.

Далматов бұл лауазымды 2024 жылдың қазанынан бастап атқарды. Оның мұрагері Марат Ирменов бұрын ведомствоның аумақтық органын басқарған болатын. ҰҚК сайтында оның ұлттық қауіпсіздік генерал-майоры екені көрсетілген.

Президенттің ҰҚК басшысымен кездесуіне келетін болсақ, ол Тоқаевқа тоғыз айдағы жұмыс қорытындылары туралы баяндады. Сағымбаев жыл басынан бері экстремизм мен терроризм бабымен 67 адам ұсталғанын, 83 адам радикалды идеология ұстанғаны үшін сотталғанын айтты. Сондай-ақ, оның айтуынша, ҰҚК ІІМ-мен бірлесіп 17 қылмыстық топтың қызметін тоқтатып, 244 адам ұстаған, олардың 96-сы тұтқында.

Сондай-ақ, Сағымбаев 16 есірткі зертханасын тарату және 44 есірткі арнасының - 25 халықаралық және 19 өңірлік қызметінің жолы кесілгені туралы баяндады. 20 тоннаға жуық есірткі, оның ішінде 13 тонна колумбиялық кокаин және 10 тонна прекурсорлар тәркіленіпті.

 Сөз соңында ҰҚК басшысы мемлекетке 3,8 трлн теңге және бюджетке 255 млрд. теңге залалдың алдын алғандарын баяндады. Сондай-ақ, оның айтуынша, сыбайлас жемқорлыққа қатысты 90-нан астам қылмыстық іс қозғалған.

 Қасым-Жомарт Тоқаев ведомство басшысына ҰҚК қызметіне байланысты бірқатар тапсырмалар берді.

 Бұған дейін президент мемлекеттік туды көтеру рәсіміне қатысқан болатын.