Эксперт үйдегі Wi-Fi роутері дұрыс орналаспаса - денсаулыққа зиян екенін айтты

Wi-Fi роутерді пәтерде тек тұрғын емес бөлмелерде, жұмыс орнынан немесе төсектен алыс орналастыру қажет. Sputnik радиосына «өмір сүру кеңістігі экологиясы» зертханасының жетекшісі Антон Ястребцев берген сұхбатында таратқышты орнатудың денсаулыққа зиянды жақтарын атады.

Сарапшының айтуынша, үйде қолдануға арналған сертификатталған роутерлер қауіпсіз. Бірақ, олар да денсаулыққа әсер етеді. Ястребцев атап өткендей, кейбір адамдар роутерді жұмыс үстеліне қояды. Бұл жұмыс істеу үшін жылдам байланыс қажеттігімен түсіндіріледі. Алайда, маманның айтуынша, роутердан шыққан сәуле үш метр радиусты қамтиды.

«Роутерді жатын орнынан екі-үш метр қашықтықта, әсіресе төсектің басына орнатуға болмайды. Мұндай жағдайда адамға, әсіресе оның миына жоғары әсері болады».

Оның айтуынша, роутер дәлізде, тұрғын бөлмелерден екі-үш метр қашықтықта орналасу керек.

Бұған дейін сарапшы Сергей Кузьменко үйдегі интернет жылдамдығын қалай арттыру керектігін ашқан болатын. Маман роутерді пәтердің ортасына қоюға және оны үлкен жиһазбен жаппауға кеңес берді. Құрылғыны телефон немесе микротолқынды пеш және басқа электр құрылғылардан алысырақ орналастыру керек.