Экс-шенеунік 15 жыл бұрынғы ісі үшін сотталды

Талдықорған қалалық жер қатынастары бөлімінің бұрынғы басшысы Қарлығаш Қаюпова жер телімін сатқанда алаяқтық жасағаны үшін үш жарым жылға бас бостандығынан айырылды. 

Қаюпова 2006-2014 жылдар аралығында қалалық жер қатынастары бөлімін басқарды. Жер телімдерін  адамдардың атына заңсыз рәсімдеді.

Рәсімдегендердің ішінде Қаюпованың ағасы да бар болып шықты. Салдарынан 5,5410 гектар жер жеке меншікке өтіп, мемлекетке 10 960 000 теңге залал келді. 

Каюповаға қызметтік өкілеттігін асыра пайдаланды деген айып тағылды.

Сот экс-шенеуніктің жасына қарап, мүліктік шығынды ерікті түрде өтегенін ескеріп, оны түрмеге жібермеу туралы шешім қабылдады.