Экс-премьер-министр Асқар Мәмин үйқамақта – Козачков

Қазақстанның бұрынғы премьер-министрі Асқар Мәмин мемлекеттік төңкеріс ісі бойынша үйқамақта отырғаны туралы ақпарат пайда болды.

«Кейбір дереккөздердің» ақпараты бойынша, ол (Мәмин – Ред.) қазір үйқамақта. Оның мемлекеттік төңкеріске қатысы бар-жоғы тексеріліп жатыр» делінген журналист Михаил Козачковтың Telegram-арнасында.

Еске салсақ, Асқар Мәмин 2019-2022 жылдар арасында премьер-министр лауазымында болды. Сонымер қатар, экс-премьер мемлекетке опасыздық жасады деп айыпталған ҰҚК-ның бұрыңғы басшысы Кәрім Мәсімовтың сыныптасы екендігін дәлелдейтін фото желіде тарады.

2022 жылдың басында Қазақстанның бірқатар қалаларында наразылық акциялары өтті. Оның арты жаппай тәртіпсіздікке ұласып Олар еліміздің көптеген қалаларында, ең алдымен Алматыда полицейлерге, әскери және билік органдарына жасалған шабуылдармен қатар жүрді.

Мемлекет басшысы Қасым-Жомарт Тоқаев үкіметті тиімсіз жұмыс жасауына байланысты отставкаға жіберді.

Үкімет жағдайды реттеу үшін арнайы комиссия құрды. 4 қаңтарда Тоқаев үкіметтің Маңғыстау облысындағы сұйытылған газдың бағасын литріне 50 теңгеге дейін төмендету туралы шешімін жариялады. Осыдан кейін тәртіпсіздіктер тоқтаған жоқ.

Мемлекет басшысы наразылық білдірушілерді «сақтық танытуға және ішкі және сыртқы арандатушылыққа бой алдырмауға» шақырды. Ол елдегі билік құлдырамайды деп сендірді.