Экс-министр Нұрлан Ермекбаев жаңа қызметке тағайындалды

Бүгін Алматыда кезектен тыс конференция өтіп, экс-министр Нұрлан Ермекбаев төралқа шешімімен қайта Бүкілқазақстандық қоян-қолтық ұрыс қауымдастығының төрағасы болып тағайындалды.

Айта кетсек, бұрынғы ҚР Қорғаныс министрі бұл қызметте 2018 жылдан бері отыр.

Биыл команда Мәскеуде өткен қоян-қолтық ұрыстан әлем Кубогында 4 алтын, 2 күміс және 6 қола медальды еншілеген. Ендігі чемпионат 2023 жылы өтеді және Қазақстан оған жолдама алған.

Еске салсақ, Нұрлан Ермекбаев тамызда орын алған Жамбылдағы жарылыстан кейін өз еркімен жұмыстан кетуге ниет білдірген. Президент оның отставкаға кету туралы өтінішін қабылдаған.

26 тамызда Жамбылдағы Байзақ ауданында әскери қоймада жарылыс орын алып, 17 адам мерт болып, 100 шақты адам зардап шеккен.