Экс-министр Марат Бекетаевты қамауда ұстау мерзімі тағы ұзарды

Бұрынғы әділет министрі Марат Бекетаевты қамауда ұстауды тағы бір айға ұзарту туралы сот санкциясы қабылданды.

Бұл туралы Астана соты Kazinform ақпарат агенттігіне хабарлады.

"2024 жылғы 12 ақпанда Астана қаласының мамандандырылған ауданаралық тергеу сотымен күдікті Марат Бекетаевқа қатысты күзетпен ұстау түріндегі бұлтартпау шарасын 2024 жылғы 21 наурызға дейін ұзарту санкцияланды" делінген сауал хабарламада.

Былтыр 29 желтоқсанда Марат Бекетаевты қамауда ұстау мерзімі 2024 жылғы 21 қаңтарға дейін ұзартылған еді.

Одан кейін, Астана соты экс-шенеунікті 2024 жылғы 21 ақпанға дейін қамауда ұстау туралы шешім қабылдады.

Бұрынғы әділет министрі өкілетін асыра пайдаланды деген күдікпен ұсталған еді.