Экс-министр Қазақстанның Үндістандағы елшісі болып тағайындалды

ҚР Әділет министрі болған Азамат Есқараев Қазақстан Республикасының Үндістан Республикасындағы төтенше және өкілетті елшісі болып тағайындалды, деп хабарлайды Orda.kz.

Бұл туралы Ақорда ресми мәлімдеме жасады.

«Азамат Несіпбайұлы Есқараев Қазақстан Республикасының Үндістан Республикасындағы төтенше және өкілетті елшісі лауазымына тағайындалды»,  деп хабарлады Ақорда.

Айта кетейік, экс-министр 2025 жылдың 9 қаңтарында Президент Жарлығымен Әділет министрі лауазымынан босатылған болатын.

Еске сала кетсек, Orda.kz әйелін жылдар бойы соғып, озбырлық көрсеткен Қазақстанның Біріккен Араб Әмірліктеріндегі елшісінің кеңесшісі Сәкен Мамаштың қамалғаны жайлы жазған болатын.