Экс-министірдің ұлы «KMG PetroChem» ЖШС басқарма төрағасы болып тағайындалды

Төтенше жағдайлар экс-министрі Юрий Ильиннің ұлы Игорь Ильин «KMG PetroChem» ЖШС басқарма төрағасы болып тағайындалды, деп хабарлайды Orda.kz.

Жаңа басшыны компания ұжымына «ҚазМұнайГаз» ҰК» АҚ басқарма төрағасының орынбасары Дастан Абдулғафаров таныстырды.

Бұған дейін Игорь Ильин «Karabatan Utility Solutions» ЖШС басқарма төрағасы қызметін атқарған. Осы жылдар ішінде «ОАЭК» АҚ, «Самұрық-Энерго» АҚ, «Қазақ мұнай және газ институты» ЖШС ғылыми-зерттеу орталығында басшылық қызметтерде болды.

2012 жылы ол тағылымдамадан өтті, содан кейін инжинирингтік қызметтер, дизайн және өнеркәсіпте инновациялық тәсілдерді енгізу саласындағы әлемдік көшбасшы Уорли Парсонста еңбек жолын бастады.

Ол Қазақ-Британ техникалық университетін автоматтандыру және басқару мамандығы бойынша бітірген.