Экс-депутат бокстан чемпион болды

Қырғызстан парламентінің бұрынғы депутаты Шайлообек Атазов Таиландта тай боксынан IBF муайтай чемпионы атағын жеңіп алды.

Бұл туралы Kaktus Media хабарлады.

Атазовтың қарсыласы Таиланд өкілі Чиангкван Паномтед болды. Бұл жекпе-жекте экс-депутат екінші раундта техникалық нокаутпен жеңіске жетті. Қарсыласы екінші раундтың басында жекпе-жекті жалғастыра алмады.

Осылайша ол IBF Muaythai чемпиондық белбеуін жеңіп алды.

Шайлообек Атазов – Жогорку Кенештің бұрынғы депутаты. Сонымен бірге ол Мемлекеттік кеден қызметі басшысының экс-орынбасары Райымбек Матраимовпен байланысты «Мекенім Қырғызстан» партиясының атынан 2020 жылғы сайлауға қатысқаннан кейін саяси ортада танымал болды. Атазов 2018 жылдан бері өзі басқарып келе жатқан «EREM» спорт клубының атқарушы директоры ретінде де белгілі.

2024 жылдың мамырында Қырғызстанның Орталық сайлау комиссиясы (ОСК) Жоғарғы соттың даулы мандат туралы шешімінен кейін Атазовты депутаттық мандатынан айырды. Бұл шешім сайлау нәтижелеріне қатысты дауға байланысты қабылданған.