Экс-боксшы сыбайлас-жемқорлық дауына ілікті

Белгілі қазақстандық кәсіпқой боксшы, әлем чемпионы Жанат Жақиянов сыбайлас-жемқорлық дауына ілікті.

Ол чемпион мансабын 2018 жылы аяқтап, Солтүстік Қазақстан облысындағы бокстан олимпиадалық резерв спорт мектебін басқарды.

2020 жылдың соңында сыбайлас жемқорлыққа қарсы қызмет 24 миллион теңгені жымқырды деген күдікпен бас есепшіні ұстады. Тоғыз жыл бойы әйел жалақысын көбейтіп, бонустар жазып келді. Ол алты жарым жылға сотталды.

Кейінірек мектеп директоры Жанат Жақиянов өзінің электронды цифрлық қолтаңбасын есепшіге бергені белгілі болды және бұл өрескел заң бұзушылық. Экс-боксшыға қызметтік міндеттерін тиісінше орындамағаны және қарамағындағыларға ведомстволық бақылаудың болмағаны үшін қатаң сөгіс жарияланды.

«Абдрахманов пен Жақияновтың бюджет ақшасын жымқыру туралы білмегендігі және олардың ЭСҚ-ын бас бухгалтер өз бетінше пайдаланғаны сенімді түрде анықталды», - деді Солтүстік Қазақстан облысының сыбайлас жемқорлыққа қарсы қызметінің бастығы Ернар Баянғазин.