Экономика министрлігінің аппарат басшысы қызметінен босатылды

Ұлттық экономика министрлігінің аппарат басшысы Арман Жұмабеков қызметінен босатылды.

Жұмыстан босату туралы бұйрыққа ведомство басшысы қол қойды.

«Қазақстан Республикасы Ұлттық экономика министрлігінің бұйрығымен Арман Дайырұлы Жұмабеков басқа қызметке ауысуына байланысты Қазақстан Республикасы Ұлттық экономика министрлігі аппаратының басшысы қызметінен босатылды»  делінген баспасөз қызметінің хабарламасында.

Арман Жұмабеков 1973 жылы Ақмола облысында дүниеге келген. Е.Бөкетов атындағы  Қарағанды ​​мемлекеттік университетін бітірген.

Еңбек жолын 1990 жылы Целиноград облысындағы жинақ кассасының Ерментау бөлімшесінде инспектор болып бастады.

Әр  жылдары Ақмола облысы бойынша салық комитетінде, Мемлекеттік кіріс министрлігінде, Қазақстан Республикасы Премьер-Министрінің Кеңсесіне, Қазақстан Республикасы Президентінің Әкімшілігінде қызмет етті.

2018-2019 жылдары - Қазақстан Республикасы Ұлттық экономика министрлігінің жауапты хатшысы.

2019 жылы - Қазақстан Республикасы Ұлттық экономика бірінші вице-министрі.

2021 жылдың қаңтарынан бастап Қазақстан Республикасы Ұлттық экономика министрлігі аппаратының басшысы.