Экономика министрі отбасын асырауға қанша ақша керек деген сұраққа жауап беруден бас тартты

Айына 50 мың теңгені азық-түлікке қалай жеткізесіз? Ал төрт адамнан тұратын отбасына қанша ақша керек? Әсет Ерғалиев брифинг кезінде журналистерге жауап беруден бас тартты. Бірақ жазбаша ақпарат беретінін мәлімдеген.

Оның орнына министр бағаны төмендетуде қандай шаралар қолданылып жатқанын айтты.

– Инфляциялық үдерістерді бейтараптандыру шараларын қабылдау үкіметтің басымдық аймағына жатады. Инфляцияны төмендетуге бағытталған шараларды қабылдау жоспары қабылданды. Қазір жұмыс екі негізгі бағытта жүргізілуде, - деді министр.

Оның айтуынша, премьер-министрдің төрағалығымен апта сайынғы онлайн отырыстар өткізіліп тұрады. Отырыстар бойынша үкімет әр аймақта әр бөлек тауар бағасының көтерілуін талқылайды.

– Екінші бағыт бойынша 24 көтерме-тарату орталығын салу арқылы қалыптасатын қажетті тауарды бөлу жүйесін қалыптастыруға қатысты неғұрлым жүйелі мәселелер талқылануда, - деді ол.

Еске салсақ, 4 қарашада Қасым-Жомарт Тоқаев биыл әлеуметтік маңызы бар азық-түлік тауарларының бағасы 10,4 пайызға өскенін айтқан болатын. 9 айдың қорытындысы бойынша инфляцияның жалпы өсімі 8,9%-ды құрады.

Осыған байланысты президент үкімет пен Ұлттық банкке инфляцияны 8,5 пайыз шегінде ұстауды тапсырды.