Экология министрлігі мен «РОП операторы» 180 млрд теңгені ұрламақ болған

Бас прокуратура үйлестірген Сыбайлас жемқорлыққа қарсы қызмет аса ірі көлемдегі ұрлық әрекетінің алдын алды.

Антикор Экология, геология және табиғи ресурстар министрлігінің шенеуніктері мен «Оператор РОП» ЖШС басшылары 6 қоқыс құрылысына жеке ұйымды заңсыз қаржыландырғаны үшін утиль алым төлемі түрінде жиналған 180 млрд теңгені компаниядан шығаруды жоспарлағанын айтты.

«Сонымен бірге, электр қуатын мемлекет 15 жыл бойы негізсіз жоғары тарифпен сатып алуға және жеке компанияға миллиардтаған доллар пайда әкелетініне кепілдік берілді. Уақытында қабылданған шаралардың нәтижесінде аталған заңсыз әрекет тоқтатылды» деді Антикор.

Экс-экология вице-министрі мен «РОП Оператор» ЖШС-нің бұрынғы басшылары қамауға алынды.