Экология министрі Шалқар көлі тартылып жатқанын мойындады

Экология, геология және табиғи ресурстар министрі Мағзұм Мырзағалиев Ақтөбе облысындағы Шалқар көліне қатысты жағдай туралы айтты, деп хабарлады ORDA.

— Ақтөбе облысының Шалқар көлінде қиын жағдай орын алды. Соңғы жылдары су қоймасы өте таяз және сазды. Бұл климаттық жағдайларға байланысты: Мұғалжар тауларының аумағында қыста аз қар жауып, жауын-шашын мөлшері жыл сайын азаюда.

Арнайы комиссия облысқа сапар шекті. 10 жыл ішінде қар жинаудың орташа мәні 34 мм құрады, бұл орташа көпжылдық көрсеткіштен 20 мм кем. Қар қоры - бұл ауданның өзендері мен көлдерін қоректендірудің негізгі көзі, деп жазды экология министрі Twitter-де.

Оның айтуынша, 2021 жылы көлдің түбін тазарту жобасы басталады.

— Қажетті қаржы бөлінді. Бұл көлдегі судың сапасын, гидрохимиялық құрамын жақсартуға және Шалқар қаласының тұрғындарын тұрмыстық сумен қамтамасыз етуге мүмкіндік береді, деді Мағзұм Мырзағалиев.

Ақтөбе облысындағы Шалқар көлінде жағдай қиын. Соңғы жылдары су арнасы тартылып, түбі кептеліп қалған . Бұл климаттық жағдайларға байланысты, себебі Мұғалжар тауларында жауын-шашын аз түсуде, қыста қар аз.

— Magzum Mirzagaliev (@MirzagalievKZ) March 11, 2021