«Эйр Астана» Ақтаудағы рейсін 15 сағатқа кешіктіргені үшін айыппұл төлейді

Ақтау әуежайында 15 сағат бойы рейсін күткен «Эйр Астана» әуе компаниясының жолаушылары Маңғыстау облысының көлік прокуратурасына ресми өтініш жазды, деп хабарлайды Orda.kz Lada.kz сайтына сілтеме жасап.

Компанияның заңда қарастырылған қызметтерді елемеді деген уәждері расталды. Атап айтсақ, жолаушыларға қонақ үй, тамақ, ана мен балаға арналған бөлме, әуежайдан қалаға дейін жеткізу қамтамасыз етілмеген.

Прокуратура актісі бойынша «Эйр Астана» әуе компаниясы әкімшілік жауапкершілікке тартылып, 1 миллион 846 мың теңге көлемінде айыппұл салды.

Биылғы жылдың 12 тамызында да  жолаушылар Ақтау-Алматы бағытында ұша алмады. Адамдар тасымалдаушы өкілдері кешіктіру себебін түсіндірмеді деп шағымданды.