Якутиядағы наразылықтар

Якутиядағы наразылықтар кезінде техникалық ақаулар болғаны немесе  мобильді интернет пен мессенджерлердің әдейі өшірілгені белгісіз.

Якутияда бейсенбіден бері WhatsApp, Telegram және Viber желілерінің жұмысында үзіліс болды, деп хабарлайды Orda.kz сайты SakhaDay және BBCnews-ке сілтеме жасап.

Жергілікті тұрғындар мұны 24 қаңтардағы адам өліміне қатысты жасалған рұқсат етілмеген митингілермен байланыстырады. Кісі өлтірді деген күдікпен Ресей азаматтығын алған Тәжікстан тумасы ұсталған.

Мобильді интернеттің өшірілуіне байланысты якут тұрғындары дүкендерде картамен төлем жасай алмағаны аздай, бір-бірімен де байланыса алмай қалған.

Якутияның Инновациялар, цифрлық даму және инфокоммуникациялық технологиялар министрлігі жағдайға түсініктеме бермеді, бірақ Якутия басшысы мен вице-премьерінің  ресми Telegram арналары осы күндері үзіліссіз жұмысын жалғастырды.