Якутиядағы өрт Қазақстанға зиянын тигізбей ме?

Шығыс Қазақстан облысында ауадағы ластаушы заттардың рұқсат етілген нормативтерінен асуы тіркелді, деп мәлімдеді «Қазгидромет» РМК баспасөз қызметі.

Бұл туралы Orda.kz хабарлады.

Оның айтуынша, 2021 жылдың тамыз айының бірінші онкүндігінің ортасынан бастап Батыс Сібір аумағында биіктіктегі циклон болды. Бұл орман өрті өршіп тұрған Якутия аймақтарынан ауа массасының ауысуына ықпал етті. Кейіннен, орман өртінен шыққан түтін біртіндеп Қазақстанның солтүстік-шығыс облыстарына таралды. Мұнда жергілікті далалық өрт (Шығыс Қазақстан облысында) атмосфералық ауа сапасының нашарлауына ықпал етті.

2021 жылдың 9-10 тамызына Шығыс Қазақстан облысы аумағында атмосфералық ауадағы рұқсат етілген нормадан асып кету тіркелді:

• азот диоксиді үшін - Өскеменде 2,1 ШРК дейін, Семейде - 1,4 ШРК дейін;
• күкірт диоксиді - Өскеменде 9 ШРК дейін;
• күкіртсутек - Өскеменде 5 ШДК дейін.

Болжам бойынша, жақын күндері ауа райы тұрақсыз сипат алып, жаңбыр жауады. 12-13 тамызда кей аудандарда қатты жаңбыр жауады, найзағай ойнап, екпінді жел соғады. Ауа температурасының біртіндеп төмендеуі түнде 10-18 градусқа, күндіз 15-23 градусқа дейін төмендейді.