Израильде он мыңдаған адам наразылыққа шықты

Халық сот билігі өкілеттігін шектейтін  заңға қарсы наразылық білдірді.

Израиль астанасы Тель-Авив пен елдің басқа да қалаларында наразылық шерулері өтті. Он мыңдаған адам көшеге шығып, Израиль премьер-министрі Биньямин Нетаньяху ұсынған заңға қарсы шықты. Anadolu заң сот билігі мен оңшыл саясаттың өкілеттіктерін шектеуді көздейді деп жазды.

Түрлі жастағы мыңдаған демонстранттар Тель-Авив қаласының орталығындағы Элиезер Каплан көшесінің бойымен Израиль жалауларымен жүріп өтті. Израиль полициясы Тель-Авивтегі шерулер өтіп жатқан алаңдарға апаратын жолдарда көлік қозғалысына жапты. Тәртіп сақшылары күндізгі уақытта маңайда қатаң қауіпсіздік шараларына кірісті.

Тель-Авивтен бөлек, Хайфа, Иерусалим және басқа да қалаларда да  шерулер өтті. Израиль ақпарат құралдарының хабарлауынша, акцияға 8 мыңға жуық адам қатысуда. Шерушілер «Жаңбыр да, суық та бұл наразылықты тоқтата алмайды» деген ұранды ұстанады.

Негізгі оппозициялық партияның төрағасы Яир Лапид сөйлеген сөзінде демонстранттар елді құтқаруға тырысып жатқанын: «Біз көшеде, парламентте, сотта күресеміз. Елімізді құтқарамыз, өйткені біз демократиялық емес елде өмір сүргіміз келмейді» деген сөздерімен жеткізді.

Жалпы, халық сот жүйесінде ауқымды реформаларды жоспарлап отырған Нетаньяху үкіметінің жаңалықтарына қарсы. Парламенттегі көпшілік заңды Жоғарғы Сот оны Негізгі Заңға қайшы деп тапса да қабылдай алады. Әділет министрі Левин де судьяларды тағайындайтын органның құрамын өзгерткісі келеді. Мәселен, ол Жоғарғы сотты саяси шешімдерге шектен тыс араласты деп айыптайды.

Қайтадан сайланған премьер-министр Биньямин Нетаньяхудың үкіметі Израильдің бұрын-соңды болмаған оңшыл үкіметі болып саналады.