Израильде кепілге алынғандарды босатуды талап еткен жаппай шерулер басталды

29 маусым күні кешке Израильдің ірі қалаларында мыңдаған адам үкіметке қарсы наразылық шерулері басталды, деп хабарлайды Orda.kz.

Ең үлкен шеру Тель-Авивте өтті. Газа секторындағы атысты тоқтату келіссөздерінде ілгерілеушілік болмағандықтан шерушілер көшеге шықты. Митингіге кепіл айырбастау келісімдерінің болмауы және Ливанмен толық ауқымды соғыс қаупі себеп болды.

Шерушілер мемлекеттік туды желбіретіп, үкіметке қарсы ұрандар айтып жатыр. Сонымен қатар олар барабан соғып, кепілге алынғандардың фотосуреттерін ұстап шығып, мерзімінен бұрын сайлау өткізуді талап етті. Бірнеше өрт қою оқиғасы тіркелді.