Израиль орталық Рафахтағы операцияларын кеңейтеді

Израиль қорғаныс күштері Газа секторының оңтүстігіндегі шабуыл операцияларын кеңейтіп, Рафахтың орталығында белсенділік танытуда. Цахал өкілдері ол жерден ХАМАС зымыран тасығыштары мен туннельдерін тауып,  қару-жарақ пен оқ-дәрі қоймасын қиратқанын хабарлады, деп хабарлайды Orda.kz.

Израиль әскерлері Газа секторының Мысырмен шекарасын толық бақылауда. Сонымен бірге, Израиль армиясы анклавтың солтүстігінде, бұрын кепілге алынған жеті израильдіктің мәйіті табылған Джебалияда операцияны аяқтағанын хабарлады.

Палестиналық дереккөздердің хабарлауынша, Израиль тарапынан ауыр шайқастар, атқылаулар мен әуе шабуылдары жалғасуда. Жұма күні таңертең Рафах аймағында кемінде он адам екі әуе шабуылының құрбаны болды.

АҚШ президенті Джо Байденнің айтуынша, Израиль Хамасқа үш кезеңдік атысты тоқтату келісімін ұсынды. Бірінші кезең – шамамен алты апта – «толық және түпкілікті атысты тоқтату», Израиль әскерлерінің шығарылуы және кейбір кепілге алынғандардың босатылуы, ал Газаға түсетін гуманитарлық көмектің көлемі күрт артады.

Екінші кезеңде аман қалған кепілге алынғандардың барлығы босатылады. Үшінші кезең Газаны ауқымды қайта құруды бастауды қамтиды.

Байденнің айтуынша, ХАМАС өкілдерінің өзі атысты тоқтатуды қалайтындарын мәлімдеді.