Израиль мен Иранда қанша Қазақстан азаматы бар?

Бұл туралы ақпаратты Қазақстан сыртқы істер министрлігі мәлімдеді, деп хабарлайды Orda.kz порталы.

Қазақстан сыртқы істер министрлігінің хабарлауынша, қазір Израиль аумағында консулдық есепте тұрған 123 қазақстандық бар. Расталмаған дерек бойынша елде тағы 100-ге жуық азаматы болуы мүмкін.

Иранда 104 Қазақстан азаматы консулдық есепте тұр. 

«Иран аумағында жұмыс істейтін қазақстандық компаниялардың бірінде 174 қызметкер бар. Бұл қызметкерлер вахталық тәсілмен жұмыс істегендіктен консулдық есепке тұрмайды», - деді Айбек Смадияров.

Еске салайық, 14 сәуірде Иран Израильге дрон және қанатты зымырандармен жаппай соққы жасады. Мамандардың бағалауынша, бұл бұрын-соңды болмаған оқиға.