Израиль мен Иран қақтығысы салдарынан жүздеген қазақстандық Катар астанасынан кете алмай отыр

Катар астанасының әуежайынан ұша алмай отырған жұрт қазақстандық дипломаттармен байланыса алмай жатқандарын айтып, бір-біріне балама ретінде басқа елдерге, ол жақтан Алматыға – өз қаражатына ұшуды ұсынып жатыр, деп хабарлайды Orda.kz.

Иранның Израильге жасаған әуе шабуылына байланысты Қазақстанға қатынайтын әуе рейстері әлі іске қосылмай тұр. Көбісі Доха әуежайында 10 сағаттан астам болған, осы уақыт ішінде оларға бір рет азық-түлік купоны берілді - 60 дирхамға сэндвич немесе салат пен сусын сатып алуға болады. Қонақ үйге орналастыру туралы сөз де қозғалмайды, балалы жолаушылар түңіле бастады.

«Бізді кері бұрып, әуежайға жеткізген кезде, біз ұшаққа баратын автобуста отырдық. Qatar Airways Алматыға рейстер бар ма, жоқ па ол жағын айтпайды. Олар бомбалау - бомбаламау жағдайына қарайды. Балама ретінде бізге Мәскеуге немесе Тбилисиге рейс ұсынылды, бірақ ол жерден үйге өз қаражатымызбен жетуіміз керек, ал көбінің қосымша билет алуға ақшасы жоқ», - деді Орда.кz порталына Бали аралынан Қазақстанға оралмақшы алматылық Пак Геум Ок. 

Қазақстанның Катардағы елшілігіне хабарласу әрекетінің барлығы әзірге сәтсіз аяқталды. Бойжеткеннің айтуынша, Доха әуежайының қызметкерлері жолаушыларға әуежайда транзиттік жолаушы ретінде бір тәуліктен артық жүруге болмайтынын, тәулік өтісімен әуежайдан шығуы керектігін айтқан.

Доха әуежайы, фото Orda.kz

Еске салайық, кеше түнде Иранның Сириядағы Иран консулдығына жасалған шабуылға жауап ретінде Иран Израильге 300-ден астам ұшқышсыз ұшақ пен қанатты зымырандар атты.  Оқиға кезінде 13 адам, соның ішінде Ислам революциясы Сақшылар корпусының екі генералы қаза тапты.

Израиль, Иран, Тегеран, Иордания, Ливан және Ирактың әуе кеңістігі уақытша жабылды.