Израиль мен ХАМАС түнгі 2-де атысты тоқтатты

Израиль қауіпсіздік кабинеті Египеттің бастамасын көтеріп, Газа секторында атысты тоқтату режимін енгізуді мақұлдады.

Бұл туралы Orda.kz Израиль үкіметінің сайтына сілтеме жасап хабарлады.

Атыс 21 мамырда жергілікті уақытпен сағат 2:00-де тоқтады (Нұр-Сұлтан уақытымен 05:00-де).

ХАМАС исламистік тобы да әскери әрекеттерді тоқтатуға дайын екендіктерін білдірді. Келісім Египеттің делдалдығы арқылы мүмкін болды.

– Палестиналықтар оқты Изриаль тарапы тоқтатпайынша жаудыра береді, - деді ХАМАС жетекшісі Исмаил Хани.

Израиль қорғаныс күштері Газа секторына шабуылдарды тоқтатты.

Екі ел арасындағы атыс 10 мамырдан бері мүлде тоқтамады. Оған Израиль полициясы мен палестиналықтар арасындағы әл-Ақса мешіті аймағындағы қақтығыстар, сондай-ақ палестиналық отбасылардың Шығыс Иерусалимдегі Шейх Джаррах аудаынан шығарылуы себеп болды. Палестина Денсаулық сақтау министрлігінің мәліметі бойынша қақтығыста 230 палестиналық қаза тапты. Израиль 12 өлім туралы хабарлады.