Израиль мен Хамас арасындағы қақтығыста 12 журналист қаза тапты

Құқық қорғаушылар Израиль мен Хамас арасындағы әскери қақтығыс басталғалы 12 журналистің қаза тапқанын хабарлады.

Журналистерді қорғау комитеті дабыл қағуда, Израиль мен Палестинада әскери қақтығыс басталғаннан бері әртүрлі басылымдардың 12 журналисі қаза тапты. Тағы сегізі түрлі жарақат алды, екеуі із-түзсіз жоғалды. Оның үстіне барлық журналистердің бұл адамдардың баспасөзге жататынын айқын көрсететін міндетті құрал-жабдықтары болды, 

Журналистер Израильдің жердегі шабуылдары, жойқын израильдік әуе шабуылдары, байланыс үзілістері және электр қуаты жоқ жағдайда қақтығысты көрсетуге тырысқанда ерекше тәуекелдерге тап боланы белгілі. Хамастың Израильге шабуылынан кейінгі алғашқы сегіз күнде 10 палестиналық журналистің қаза тапқаны расталды. Сонымен қатар, бір израильдік журналист қаза тауып, екіншісі із-түзсіз жоғалды, деп жазады құқық қорғау ұйымы.

Қаза тапқандар арасында әл-Ақса радиосы, Reuters, Хабар агенттіктерінің операторлары мен журналистері, сондай-ақ әртүрлі шетелдік басылымдардың фрилансерлері мен фототілшілері бар. Құқық қорғаушылар толық тізімді өз сайтында жариялап, оны үнемі жаңартып отырады.

Айта кетейік, 13 қазанда Бейруттен Reuters агенттігінің бейнеоператоры Иссама Абдалла да қаза тапқан. Агенттік журналисі Ливан-Израиль шекарасына жақын орналасқан Алма аш-Шааб ауылына жақын жерде болған, ол AFP және Al Jazeera қызметкерлері де бар тілшілер тобында болған. Сол күні Израиль шабуылынан тағы алты журналист жараланды.

Ал Бейрут Израильдің Ливан азаматы болған журналисті «әдейі өлтіргені» үшін БҰҰ Қауіпсіздік Кеңесіне шағым түсірмек болған. Израильдің БҰҰ-дағы елшісі Гилад Эрдан журналистің өліміне былай деп жауап берді: «Әрине, біз өз жұмысын атқарып жүрген журналистерді өлтіргіміз немесе атқымыз келмейді. Бірақ сіз білесіз бе, соғыс кезінде бәрі болуы мүмкін».

Бірақ бұқаралық ақпарат құралдарының хабарларына қарағанда журналистердің көбі шабуыл кезінде қаза табады. Құқық қорғаушылар қақтығыс болып жатқан елдерден  журналистерге тиіспеуге және кәсіби қызметін атқаруға мүмкіндік беруге шақырады.