Израиль Каспий теңізіндегі әскери-теңіз күштеріне жасаған соққысының видеосын жариялады

Израиль Иранның Каспий теңізіндегі әскери-теңіз күштеріне жасаған соққысының видеосын жариялады, деп хабарлайды Orda.kz.

ЦАХАЛ мәліметіне сәйкес, шабуыл нәтижесінде порттар мен әскери базалардағы бірнеше стратегиялық объект жойылған. Бұл нысандарда ондаған әскери кеме, соның ішінде зымыранмен жабдықталған кемелер мен күзет катерлері орналасқан.

Соққы тиген негізгі нысандар қатарында зымырандық, көмекші және күзет кемелері. Зымыран кемелері әуе кеңістігін бақылау жүйелерімен және суасты қайықтарына қарсы қосымша қарумен жабдықталған. Сондай-ақ Каспий теңізіндегі әскери операцияларды басқарған порттың командалық орталығы мен кемелерді жөндеу мен қызмет көрсетуге арналған орталық инфрақұрылым бар.

Израиль армиясының баспасөз қызметі бұл шабуылды "Арыстанның айбаты" операциясы басталғалы ең ауқымды соққылардың бірі деп бағалап отыр. Видеоны Telegram-дағы парақшамыздан көруге болады.

Оқи отырыңыз:

Таяу Шығыстағы жағдай: Трамптың мың құбылуы мен жоғары лауазымды тұлғалардың өлімі