Израиль Хаменеидің жерасты бункерін жарып жіберді

Бүгін таңертең шамамен 50 жойғыш ұшақ барлау басқармасының нақты нұсқаулары бойынша және терроризмге қарсы басқармамен бірлесіп, Тегеран орталығында орналасқан Иран режимінің басшылық кешенінің астында салынған Әли Хаменеидің жерасты бункеріне соққы жасады, деп хабарлайды Orda.kz.

Израиль армиясының мәліметінше, бұл бункерді басшы әскери әрекеттерді жүргізу үшін сенімді резерв орын ретінде пайдаланылған. Ол «Ақырған арыстан» операциясында қолданылып үлгермей тұрып жойылған.

Әли Хаменеидің өлімінен кейін де бұл кешенді Иран режимінің жоғары лауазымды шенеуніктері пайдаланып келген. Жылдар бойы режим өз әскери жоспарларын жүзеге асыру және Израиль мемлекетіне әрі Батыс әлеміне қарсы экстремистік және қатыгез идеологиясын іске асыру мақсатында жерасты кешенін құруға күш салған. 

Жерасты бункері Тегеран қаласының орталығындағы тұтас көшелерді алып жатқан және Иран режимінің жоғары лауазымды тұлғаларына арналған көптеген үй-жай мен кездесу бөлмелерінен тұрған, делінген.

Бұл кешенге шабуыл ұзақ әрі мұқият жүргізілген барлау мәліметтерін жинау және әскери барлау қызметі жүргізген зерттеу нәтижесінде жүзеге асырылған. Басшылыққа тиесілі бұл ғимараттар кешені Иран режимінің негізгі әрі ең маңызды штабының бірі болған.

«Жерасты бункерінің жойылуы режимнің басқару және қолбасшылық мүмкіндіктеріне келтірілген зиянды одан әрі күшейтеді»,  делінген ЦАХАЛ хабарында.

Оқи отырыңыздар:

• Ирандағы соғыс жаңа кезеңге өтті: Қазір не белгілі?
• Әзербайжан Ираннан барлық дипломатын қайтаратын болды
• Таяу Шығыстан 3300-ден астам қазақстандық эвакуацияланды